Майда кыргызстандыктар эс алчу күндөр аныкталды

44

Кайсы күндөрү май майрамдары белгилене тургандыгы маалым болду.

Саламаттык сактоо жана социалдык өнүктүрүү министрлигинин басма сөз кызматынан кабарлашкандай, КРнын Эмгек кодексинде жумушчу эмес майрам күндөрү деп төмөнкү күндөр белгиленген:

1-май – Эмгек майрамы;

5-май – Кыргыз Республикасынын Конституциясынын күнү;

9-май – Жеңиш күнү.

Дем алыш күнүнө жана жумуш эмес майрам күнүнө туш келип калганда дем алыш күн майрамдан кийинки жумуш күнүнө которулат.

Бирок кызматкерлер тарабынан дем алыш жана жумуш эмес майрам күндөрүн сарамжалдуу пайдалануу максатында, Кыргыз Республикасынын Өкмөтү 2020-жылдын 30-декабрындагы No 633 “Эс алуу күндөрүн которуу жөнүндө” токтом кабыл алды.

Токтомго ылайык, 2021-жылдын 3-майындагы эс алуу күнү (1-май дем алыш күнүнө дал келгендиктен, дем алыш күнү деп таанылды) 2021-жылдын 8-январындагы иш күнүнө которулган.

Ошентип, 3-май жумуш күнү болот.

0