Кыргызстанда туристтерди кызыктарган жерлердин реестри түзүлдү

200

Кыргызстанда туристтерди кызыктарган жерлердин реестри түзүлдү. Бул тууралуу “Кабар” агенттигиндеги маалымат жыйынында Кыргызстандагы туризмди өнүктүрүүнү колдоо фондунун директору Елена Калашникова билдирди.

Анын айтымында, республика боюнча жүргүзүлгөн инвентаризациянын алкагында Кыргызстанда 1,5 миңден ашык табигый жана тарыхый кооз жерлери инвентаризацияланып, базага кирди.

Нет описания.

“Ал Кыргызстандагы туризмди өнүктүрүүнү колдоо фонду тарабынан демилгеленип, өлкөнүн бардык аймактарындагы туристтик дестинациялар тарабынан өткөрүлдү. Эксперттер, гиддер, археологдор туристтерди кызыктыра турган бардык жерлерди камтыган чоң маалымат базасын түзүшкөн. Эксперттер бир нече ай иштешти. Андан кийин бардык чогултулган маалыматтар иштетилип, автоматташтырылган маалымат базасына киргизилди. Ар бир объектти сүрөттөрдөн тышкары, анда туристтик бизнестин өкүлдөрү үчүн пайдалуу боло турган фотосүрөттөр, географиялык координаттар жана маалыматтар камтылган. Келечекте ал дагы кеңейтилет”, – дейт ал.

Калашникова маалымат visitkyrgyz.com сайтында жеткиликтүү экенин маалымдады.

“Азыркы убакта биздин өлкөдөгү жүзгө жакын негизги туристтик жерлер белгиленген. Бара-бара бул сан көбөйүп, биздин блогер, туризм жаатта иштеген жарандардан жана жеке эле коомчулуктан маалымат боюнча жардам берет деп үмүттөнбүз”, – деди ал.

Белгилей кетсек, pr@fundtourism.com сайтында Кыргызстандын табигый жана тарыхый кооз жерлеринин картасы, пайдалуу маалыматтар, туристтер үчүн лайфхактар ​​бар. Бул ресурс биринчи кезекте Кыргызстан менен жакындан таанышканы келген чет элдик саякатчыларга багытталгандыктан, сайт англис тилинде ачылды. Жакынкы арада кыргыз жана орус тилдеринде да жеткиликтүү болот.

Ал эми инстаграмдагы Кыргызстандын расмий баракчасы – Visit Kyrgyz Republic ишке киргизгенден бери, өткөн эки айдын ичинде абоненттердин саны 33 миң 900 адамга жетти.

0