Кыргызстанда майрамдык айт намаз мечиттерде окулат — программа

104

 Эртең, 13-майда майрамдык айт намаз Бишкектеги жана өлкө аймагындагы бардык мечиттерде окулат. Кыргызстан мусулмандарынын дин башкармалыгынын басма сөз кызматы иш-чаранын программасын сунуштады.

Айт намаз өлкө аймагындагы бардык мечиттерде окулуп, таңкы саат 07:00дө башталат.

Айт намаздын программасы:

07:00-07:15 — Азирети Муфтийдин милдетин аткаруучу Жоробай ажы Шергазыевдин куттуктоосу жана баяндамасы (имам Сарахсий атындагы республикалык борбордук мечитте);

07:15 — Айт намаз.

Муфтияттан айт намазга келген ар бир жаран санитардык эрежелерди так сактоосу керектигин баса белгилешти.

• Бет каптын болуусу талап кылынат

• Ар бир адам жайнамазын ала келүү сунушталат

• Мечитте адамдардын ортосунда 1,5 метрдик аралыкты так сактоо

• Жарандардын кол алышып, кучакташып көрүшүүсүнө тыюу салынат

• Дааратты үйдөн алуу

• Жаш балдар жана ооругандар, дене табы көтөрүлүп жаткан жарандардын келбөөсү талап кылынат

• Айт намазы мечиттерде окулуп бүткөн соң көп убакытка кармалбай тарап кетүү сунушталат

0