Кыргызстан AstraZeneca вакцинасын алууну токтотуу маселесин кароодо

535
25.08.2020, Impfstoff, Symbolbild Bildmontage, Pharmafirma Astrazeneca, Pharmakonzern, der 1999 aus der schwedischen Astra AB und der britischen Zeneca PLC. 25.08.2020, Impfstoff 25.08.2020, Impfstoff *** 25 08 2020, vaccine, symbolic image photo montage, pharmaceutical company Astrazeneca, pharmaceutical group, which was formed in 1999 from the Swedish Astra AB and the British Zeneca PLC 25 08 2020, vaccine 25 08 2020, vaccine

Кыргызстан COVAX программасынын алкагында AstraZeneca вакцинасын ташууну убактылуу токтотуу маселесин кароодо. Бул тууралуу “Кабар” агенттигине Иммунопрофилактика борборунун директору Гүлбара Ишенапысова билдирди.

Анын маалыматы боюнча, өлкө вакцина апрелде келет деп күтүп жаткан. «Биз өз тарабыбыздан бардык талаптарды аткардык. 8-февралга чейин эмдөө боюнча улуттук планды иштеп чыгып, алардын порталына киргизишибиз керек болчу. Мунун барын мөөнөтүнөн мурда аткарганбыз. Ведомстволор аралык комиссия түзүлгөн. Бирок, 12-мартта ЖМКларда Дания, Ирландия жана Нидерланддарда терс таасирлер катталганы тууралуу маалымат пайда болду. Биз дароо аталган фондго кайрылдык. Азыр иликтөөнүн жыйынтыгын күтүп жатабыз. Ушул жумада алар жооп беришет»,-деди ал.

Ишенапысова өлкө AstraZeneca вакцинасынан баш тарткан жок, жөн гана убактылуу токтотулган деп белгиледи.

Эскерте кетсек, марттын аягында Кыргызстанга COVID-19 коронавирус инфекциясына каршы AstraZeneca вакцинасынын биринчи партиясы келиш керек эле.

0