Кыргызстан 20 млн долларга Sinopharm кытай вакцинасын сатып алат

68

Дүйнөлүк банк бөлгөн каражатка COVID-19га каршы кытай вакцинасы сатылып алынат. Бул тууралуу Саламаттык сактоо жана социалдык өнүктүрүү министри Алымкадыр Бейшеналиев “Биринчи радионунун” түз эфиринде маек куруп жатып билдирди.

“Биз кечээ донорлор жана Дүйнөлүк банк менен онлайн-конференция өткөрдүк, анын аягында келишимге кол коюлду. Дүйнөлүк банк бизге коронавирус инфекциясына каршы вакцина алууга 20 млн доллар бөлөт. Биз өзүбүз Дүйнөлүк саламаттык сактоо уюму тарабынан жактырылган вакциналардын бирин тандайбыз. Анда Россиянын “Спутник V” вакцинасы жок, бирок тизмеде Кытайдын “Синофарм” вакцинасы бар, биз ошону сатып алабыз”,-деди министр.

0