СЕГИЗБАЕВ КАМАККА АЛЫНАРДА КАЛКАНЧ ИЗДЕП, ПРЕЗИДЕНТТИК ШАЙЛООГО АТТАНЫПТЫ

223

Коомчулукка жек көрүнүп атканына карабай УКМКнын экстөрагасы Абдил Сегизбаев президенттик шайлоого аттанды. Бет жок экен да! Убагында ондогон саясатчыларга куугунтук жасап, камаганы эсибизде. Алар: Садыр Жапаров (балдарына бир тууганын кошуп), Өмүрбек Текебаев, Дүйшөнкул Чотонов, Канатбек Исаев, Бекболот Талгарбеков, Бектур Асанов, Кубанычбек Кадыров, Дастан Сарыгулов, Эрнест Карыбеков Тойгонбек Калматов ж.б. Репрессияны жүргүзүүдө ашынып, ырайымсыз адам катары таанылган. Ал эми Кой-Таш окуясында Атамбаевди колдомуш этип, бийликке ойноп, башкалар кармалганда Сегизбаев аман калган (резина окко калтасын тештирип алып). Дал ушундай жийиркеничтүү жоруктары арбын болуп атса, уялбай президенттик шайлоого талапкерлигин койду. Биздин баамыбызда, ал жакында камакка алынмак шекилдүү. Кылмыш иштеринен калканч издеп, кол тийбестикке жетүү үчүн аламанга аттанганын карабайсыңбы?! “Бул дүйнөнүкү тиги дүйнөгө кетпейт” дейт. Жазасын эртелеп албаса, коомчулукка кандай үлгү көрсөтөбүз? Кылмышка шектүү неме баарыбызга акыл үйрөтүп, дебатта жүргөнү абсурд го?..

“Азия Ньюс” гезити