Москвадагы көпүрөнүн кулашы: Массалык маалымат каражаттары кырсыкка күнөөлүүнүн аты-жөнүн жарыялашты

23

Москванын Ступино районундагы логистикалык ишканада жөө адамдар өтүүчү көпүрөнүн кулашы боюнча козголгон кылмыш ишинде биринчи фигурант пайда болду. Бул тууралуу “Коммерсант” басылмасы билдирет.

Кырсык 27-сентябрда “FM LOGISTIC” ишканасынын кампасында болгон. Ошол күнү кампада 160тай адам бар болчу. Натыйжада Кыргызстандын 51 адамы жаракат алды. Андан кийин Россиянын Тергөө комитети РФнын Кылмыш-жаза кодексинин 118-беренесинин 2-бөлүмү (“Эмгекти коргоо талаптарын бузуу, этиятсыздыктын кесепетинен адамдардын ден соолугуна оор зыян келтирүү”) боюнча кылмыш ишин козгогон.

«Россия Федерациясынын Тергөө комитетинин башчысынын буйругу менен криминалисттер жана бөлүмдүн борбордук аппаратынын тергөөчүлөрү Ступиного жөнөтүлдү. Алар окуя болгон жерди карап чыгып, кампанын имаратын иштеткен “FM Logistic Vostok” компаниясынын расмий документтерин алышкан», – деп жазат басылма.

Иликтөө иштеринин жүрүшүндө көпүрөнүн темир конструкциясы 2008-жылы орнотулгандыгы аныкталды. Тергөөнүн версиясы боюнча, кызматтык нускамага ылайык, “ФМ Логистик Востоктун” техникалык кызматынын башчысы Роман Дубовицкий түзүмдүн иштешине жана анын коопсуздугун камсыз кылууга көзөмөл жүргүзүшү керек болчу.

Натыйжада, тергөө аны кылмыш жоопкерчилигине тартты жана Басманный сотуна айрым аракеттерге тыюу салуу түрүндө ага карата профилактикалык чараны тандоо өтүнүчү менен кайрылды.

Сотто ММКлар тергөө өтүнүчү канааттандырылгандыгын билдиришти. Басманный сотунун басма сөз катчысынын айтымында, Дубовицкийге кылмыш иши боюнча адамдар менен тигил же бул жол менен байланышууга, ошондой эле “ФМ Логистик Востоктун” кампаларынан жүз метр радиуста болууга тыюу салынат. Ошондой эле, өз кезегинде, иш боюнча соттолуучу күнөөсүн мойнуна алган эмес.