Беларусь Курманбек Бакиевди жана анын туугандарын Кыргызстанга өткөрүп берүүдөн 4 жолу баш тарткан

22

Беларусь мурдагы президент Курманбек Бакиев, анын иниси Жаныш Бакиев жана уулу Марат Бакиевди Кыргызстанга өткөрүп берүүдөн 4 жолу баш тарткан. Бул тууралуу журналисттерге Башкы прокуратуранын Эл аралык укуктук кызматташтык башкармалыгынын башчысы Асылбек Акматов билдирди.

Беларусь тарап Кишинев конвенциясына таянып, жогоруда айтылган адамдарды өткөрүп берүүдөн баш тарткан.

“2011-жылдан тарта 4 жолу бул адамдарды Кыргызстанга өткөрүп берүү боюнча билдирүү жөнөтүлгөн. Саясий куугунтуктоолор болуп жаткандыгын айтып, алар биздин өтүнүчтү канааттандыруудан баш тарткан”, – деди ал.