Шайлдабекова шайлоодогу мыйзам бузуулар боюнча БШКга кайрылууга чакырды

18

Борбордук шайлоо комиссиясынын төрайымы Нуржан Шайлдабекова жарандарды шайлоодогу мыйзам бузуулар боюнча БШКга кабарлап турууга чакырды.

“Кандайдыр бир мыйзам бузуулар болуп, процедуралар бузулса, анда бизге маалымдап турсаңыздар. БШКда ыкчам чара көрүү үчүн координациялык топ иштейт. Ага шайлоо комиссияларынын жана укук коргоо органдарынын өкүлдөрү кирген”, – деди ал.

Кыргызстанда бүгүн саат 08:00дө парламенттик шайлоо башталды. Парламенттик шайлоого карата жалпы 2 миң 475 шайлоо тилкеси даярдалып, анын ичинде чет мамлекеттерде 45 шайлоо тилкеси ачылган.

Шайлоого 16 саясий партия катышууда.