ИИМ: Мамлекеттер аралык издөөдө жүргөн жаран кармалды

25

КР Ички иштер министрлигинин Транспорттогу ички иштер башкармалыгынын кызматкерлери баңги кылмыштуулугу үчүн издөөдө жүргөн жаранды кармашты. Бул тууралуу КР ИИМдин басма сөз кызматы билдирет.

Маалыматка ылайык, 2020-жылдын сентябрь айынын ортосунда КР ИИМдин Транспорттогу ички иштер башкармалыгын ыкчам кызматкерлери ыкчам-издөө иш-чараларын жүргүзүү учурунда коңшу өлкөнүн укук коргоо органдары тарабынан издөөдө жүргөн жаранды кармашкан.

Такталган маалымат боюнча, КМШ өлкөлөрүнүн биринин жараны болгон 1970-жылы туулган Б.Ш., Казакстан Республикасынын Кылмыш-жаза кодексинин 296 жана 286-беренелери боюнча баңги кылмыштуулугу үчүн мамлекеттер аралык издөөдө жүргөн.

ИИМдин Транспорттогу ички иштер башкармалыгынын маалыматы боюнча, издөөдө жүргөн жаран Чүй облусунун Ысык-Ата районунун аймагында жашынып жүргөн.

Азыркы учурда кармалган жаран убактылуу кармоочу жайга киргизилди.