ӨЗҮҢӨ БОЛГОН ИШЕНИМСИЗДИКТИ КАНТИП КЕТИРСЕ БОЛОТ?

155

Жакшы бир максатка жетүүдө адамдын өзүнө болгон ишенимсиздиги тоскоол жаратат. Ар дайым күмөн саноо, коркунуч жана өзүнө болгон ишенимсиздик.

Көз карандысыздык

Бул башкаларга көз каранды болбоо дегенди билдирет. Бойго жеткен адам бир ай өзү жалгыз жашай алабы? Эгерде ал жашай алса жакшы, ага чыдабай турган болсо, анда ал өзүнүн үстүнөн иштөөсү кажет. Бул да болсо көз карандылыкка кирет. Көз карандысыз адам гана өзүнө ишеним арттыра алат.

Хобби

Белгилүү бир хобби менен алектенген адам айланасындагыларга дагы кызыгуу жаратат. Эч нерсеге кызыкпаган адам өзүнө кызыгуу жарата албайт. Ошондуктан, жандүйнөңүзгө жакын нерсени таап, ошону менен алектенүү керек. Мисалы, музыка, сүрөт, көркөм адабият, скейт, сноуборд, ж.б. Хобби – адамдын өзүнө болгон ишенимдүүлүгүн арттырат.

Сырткы келбет

Адамдын сырткы келбети дагы өзүнө болгон ишенимди арттыруучу фактор. Мисалы, сулуулукта эмес, кийинүү стилинде. Өзүнө карап, стилдүү кийинип жүргөн адамдын маанайы дагы жакшы болот. Адамда мына ушундай нерселер болгондо гана, анда кандайдыр бир ишенимдүүлүк пайда болот.

“Азия Ньюс” гезити