БИШКЕКТЕ ЭГИЗ ТӨРӨГӨН 27 ЖАШТАГЫ КЕЛИН КОРОНАВИРУСТАН КАЗА БОЛДУ

246

Өткөн суткада Бишкек шаарындагы №2 төрөт үйүндө жаңы төрөгөн 27 жаштагы келин коронавирустан каза болду. Анын артында эгиз ымыркайлар калды.

Саламаттык сактоо министрлигинин башкы гинекологу Раиса Асылбашева 24.kg маалымат булагына билдиргендей, аял коронавирустун белгилери менен төрөт үйүнө түшкөн. Маркум кесарево ыкмасы менен 34-35-аптада (8 айлык) эгиздерди жарыкка алып келди. Ымыркайлар №4 төрөт үйүндөгү ара төрөлгөн наристелер үчүн бөлүмдө.

«Операциядан кийин бул келинде пневмония өрчүп кетти. Биз аны сактап кала албадык. Ал бешинчи суткада жан берди» дейт дарыгер.

Өткөн суткада Кыргызстанда коронавирустан 7 бейтап каза болуп, жалпы курмандыктардын саны 57ге жетти.