Кыргызстанда коронавирусту дагы 13 адам жуктуруп алды. Жалпы 107

179

Кыргызстанда коронавирусту дагы 13 адам жуктуруп алды. Бул тууралуу КР Саламаттык сактоо министрлигинин штабынын башчысынын орун басары Касымбек Мамбетов маалымдады.

Учурда өлкөдө 1 миң 592 киши обсервацияда жатат Бул тууралуу өкмөт үйүндөгү маалымат жыйында Саламаттык сактоо министрлигинин ыкчам штабынын башчысынын орун басары Касымбек Мамбетов билдирди.

Анын айтымында, оору чыккандан бери өлкөдө коронавируска 8 миң 186 текшерүү, бир күн ичинде 776 текшерүү жүргүзүлгөн.

“Өлкө боюнча ушул убакка чейин 5 миң 638 адам обсервацияга алынган. Алардын ичинин 3 миң 870 адам үй карантинине чыгарылган. Учурда обсервацияда 1 миң 592 киши жатат”, – деди ал.

Анын айтымында, вирусту жуктуруп алгандардын ичинен үчөөнүн абалы оор деп бааланууда.

“Үч адамдын ичинен эки жарандын абалы туруктуу оор болсо, бирөө өтө оор абалында. Ал жасалма дем алдыруучу аппаратына кошулган”, – дейт Мамбетов.

Белгилей кетсек, Кыргызстанда коронавирус жуктурган 13 жаңы учур катталды. Азыркы тапта өлкөдө коронавирус жуктургандардын саны 107ге жетти. Алардын ичинен Жалал-Абад облусунда үч адам коронавирустан айыгып чыккан.

Коронавируска байланыштуу Кыргызстандын Бишкек, Ош, Жалал-Абад шаары, Ноокат жана Кара-Суу, Сузак райондорунда 2020-жылдын 25-мартынан саат 08.00дөн баштап 15-апрелине саат 08.00гө чейин өзгөчө абал киргизилген.

Мындан улам өзгөчө абал киргизилген шаар жана райондордо 20:00-07:00 сааттар арасы коменданттык саат деп белгиленип, ал убакта көчөдө жүрүүгө тыюу салынды. Ал эми саат 07:00дөн 20:00гө чейин жарандар сыртка үч себеп менен чыга алышат: дүкөндөн азык-түлүк, дарыканадан дары-дармек сатып алуу жана ооруканага баруу үчүн. Сыртка чыкканда жарандардын жанында өздүгүн тастыктоочу документи жана маршруттук кагазы болуш керек.