Бүгүндөн тарта уруксат кагаздары жок мамлекеттик кызматкерлер посттордон өткөрүлбөйт

408

Бүгүндөн тарта өткөрмө уруксат кагаздары жок муниципалдык жана мамлекеттик кызматкерлер посттордон өткөрүлбөйт. Бул тууралуу Бишкек шаарынын комендатурасынан билдиришти.

“Бүгүндөн тарта медицина тармагында эмгектенген кызматкерлерден башка, мамлекеттик жана муниципалдык кызматкерлер жол тосмолорду (блокпост) уруксат кагазы жок өтө албай калышат. Буга чейин республикалык штаб, министрлик жана мекемелердин башчыларына, өз кызматкерлерин үйүнөн жумушуна, жумушунан үйүнө жеткирип турууну тапшырган”, – деп билдиришти комендатурадан.