Кайгуул милициясынын кызматкерине кол көтөргөн ЖКнын кызматкери иштен алынды

84

Жогорку Кеңештин Эл аралык иштер, коргоо жана коопсуздук комитетинин бөлүм башчысы Эрнест Молдошев кызматтан алынды. Бул тууралуу «Кабар» агенттигине парламенттин басма сөз кызматынан кабарлашты.

Маалыматка ылайык, Молдошев 24-мартта кызматтан кетүү тууралуу өз каалоосу менен арыз жазган.

ЖКдан кошумчалашкандай, Молдошев чыр болгонго чейин эле иштеп бошотулган. Кайгуул милициясынын кызматкери менен Молдошевдин ортосундагы окуя 24нөн 25-мартка караган түнү болгон.

Укук коргоо органдарынын маалыматына таянсак, Эрнест Молдошев коменданттык саат учурунда Кайгуул милициясынын кызматкерине кол көтөргөн. Айрым жалпыга маалымдоо каражаттарында Молдошевдин мас абалда экендиги маалымдалат.