Штаб: Ошто коомдук транспорт токтойт, көчөгө чыкпаңыздар

48
Ош шаары.

Бүгүн, 20-марттан тартып Ош шаарындагы коомдук транспорт токтотулат. Бул тууралуу коронавирус коркунучуна байланыштуу түзүлгөн республикалык штаб кабарлап, «Көчөгө чыкпаңыздар!» деп эскертти.
Кыргызстанда коронавирустун жаңы үч учуру катталганы 20-мартта жарыяланды. Ооруга чалдыккандар Ноокат районунда аныкталып, алар да Сауд Арабиясына умрага барып келгени белгилүү болду. 18-мартта Сузакта коронавируска чалдыккан алгачкы үч киши аныкталган.
Эки райондо тең өзгөчө абал киргизилди.