Кыргызстанда 528 адам обсервацияда жатат

23

Кыргызстанда чет өлкөдөн келген 386 адам, андан сырткары коронавирус аныкталгандар менен чогуу келген 142 адам обсервацияда жатат. Бул тууралуу өкмөттүн маалымат жыйынында саламаттык сактоо министри Космосбек Чолпонбаев билдирди.

Учурда Сузак районундагы кырдаал өзгөчө көзөмөлдө турат. Дарыгерлер 24 саат бою санитардык-эпидемиологиялык иштерди, дезинфекциялык чараларды жүргүзүүдө.

Жалал-Абад облусунда эки мобилдик лаборатория иштеп жатат. Облустук ооруканада үч жаран карантинде дарыланып жатса, дагы үч жаран дене табы жогору болгондуктан кармалып турат.

Алардын ичинден эки кишинин коронавируска алынган анализдери таза чыкты, бирөөнүн анализи чыга элек.